Selin kritikon Brikenën: “Pyetje pa lidhje dhe mungesë përgatitjeje”

Ish-banorja e Big Brother VIP Albania, Selin, ka reaguar ndaj intervistës së moderatores Brikena Selmani me Gretën në emisionin “Top Arena”, duke ngritur kritika për mënyrën e drejtimit të bisedës dhe disa prej pyetjeve të bëra gjatë intervistës.

E ftuar në “Pushime on Top”, Selin u ndal veçanërisht te pyetja nëse ish-banorët e reality show-t vazhdojnë ende të flasin për Gretën pas përfundimit të spektaklit. Sipas saj, vetëbesimi është diçka pozitive, por nuk duhet të kthehet në një perceptim se gjithçka lidhet me një person të vetëm.

“Është shumë mirë të vlerësosh veten, por duhet të qëndrosh me këmbë në tokë”, u shpreh Selin.

Ajo e cilësoi pyetjen e moderatores si të panevojshme dhe tha se nëse do të ishte ajo në vendin e Gretës, do të kishte dhënë një tjetër përgjigje. Selin ngriti gjithashtu pikëpyetje se përse Brikena zgjodhi të pyeste Gretën për të, në vend që ta ftonte vetë për një intervistë.

Kritikat e saj u shtrinë edhe te mënyra e përgatitjes profesionale të moderatores. Selin deklaroi se një figurë televizive duhet të investojë në studim dhe të marrë shembull nga emra me eksperiencë në gazetari dhe moderim.

“Një moderatore duhet të studiojë televizionin, gazetarinë dhe njerëzit që kanë vite eksperiencë në këtë fushë”, u shpreh ajo, duke hapur një tjetër debat mes ndjekësve të Big Brother VIP Albania.