Zidane pranë stolit të Francës

Zinedine Zidane mund të rikthehet shumë shpejt në futbollin e madh, këtë herë për të marrë drejtimin e kombëtares së Francës.

Sipas raportimeve të gazetarit Nicolo Schira, legjenda e futbollit francez është pranë një marrëveshjeje për të zëvendësuar Didier Deschamps në stolin e “Les Bleus”. Kontrata e mundshme pritet ta mbajë Zidanen në krye të kombëtares deri në Kupën e Botës 2030.

Ish-trajneri i Real Madridit ka qenë pa skuadër që prej vitit 2021, kur u largua nga klubi spanjoll. Që atëherë, emri i tij është përmendur vazhdimisht si kandidati kryesor për të drejtuar Francën, një mundësi që tani duket më pranë se kurrë.

Ndryshimi në stol vjen pas eliminimit të Francës nga Spanja në gjysmëfinalen e Kupës së Botës 2026. “Les Bleus” do të luajnë tashmë për vendin e tretë, ndërsa Deschamps pritet t’i japë fund aventurës së tij të gjatë me kombëtaren.

Nëse marrëveshja zyrtarizohet, Zidane do të nisë kapitullin e tij të parë si trajner i një kombëtareje. Ai vjen me një CV të jashtëzakonshme, pasi me Real Madridin fitoi tre herë radhazi Ligën e Kampionëve dhe disa trofe të tjerë madhorë.

Tani, Franca mund të jetë gati t’ia besojë legjendës së saj një mision të ri: rikthimin e “Les Bleus” në majën e futbollit botëror.