Mimoza Ahmeti “çarmatos” Ilir Shaqirin me një puthje

Një nga momentet më të komentueshme të ditëve të fundit në Ferma VIP ka ardhur krejt papritur, duke kthyer një sfidë të zakonshme mes banorëve në një skenë që la të gjithë pa fjalë.

Në qendër të vëmendjes kësaj here ishin Mimoza Ahmeti dhe Ilir Shaqiri, të cilët dhuruan një nga ato momente që rrallë planifikohen, por që përfundojnë duke bërë xhiron e rrjetit.

Gjithçka nisi në formën e një loje spontane, teksa Iliri po përpiqej me mimika, lëvizje dhe gjeste plot humor ta nxirrte Mozën nga serioziteti i saj karakteristik. Atmosfera u ndez shpejt dhe të pranishmit nisën ta shijonin çdo sekondë të situatës.

Por kur dukej se gjithçka do të mbetej thjesht në kuadrin e batutave, Mimoza vendosi ta kthente lojën në favorin e saj.

“Do të të bëj diçka që nuk e pret”, mësohet t’i jetë drejtuar ajo, përpara se ta kapte papritur nga fytyra dhe ta surprizonte me një puthje që la balerinin për disa çaste të ngrirë.

Reagimi i Ilir Shaqiri ishte po aq spontan sa vetë momenti — disa sekonda heshtje, e më pas shpërthim në të qeshura, ndërsa banorët e tjerë nuk arritën t’i fshihnin reagimet nga divani.

Një skenë e paplanifikuar, por që pa dyshim i dha shtëpisë një nga episodet më argëtuese dhe më të përfolura të këtij edicioni.