Vanesa thyen heshtjen për Indrin

Eliminimi i Vanesa Sono nga “Ferma VIP 3” solli jo pak reagime, por vëmendjen më të madhe e mori rrëfimi i saj për raportin me Indri.

E ftuar në “Ferma Club”, këngëtarja foli pa dorashka për periudhën e vështirë që po kalonte para se të hynte në reality show. Ajo pranoi se në jetën personale nuk ishte aspak e lumtur dhe se lidhja që kishte jashtë fermës kishte hyrë prej kohësh në një fazë pa kthim.

Sipas Vanesës, marrëdhënia kishte vazhduar më shumë nga rutina sesa nga ndjenjat, ndërsa tregoi se fundi i saj ishte i pashmangshëm. Në këtë mes, afrimiteti me Indrin nisi natyrshëm që në ditët e para brenda fermës.

Ish-konkurrentja tha se nuk mund ta shpjegojë me logjikë atë që ndjeu, duke lënë të kuptohet se emocionet e përjetuara në fermë ishin më të forta sesa kishte menduar.

E pyetur nëse beson që Indri ka ndjenja për të, Vanesa zgjodhi të tregojë kujdes me përgjigjen. Ajo tha se mund të flasë vetëm për atë që ndjen vetë, ndërsa shtoi se mendon që edhe ai ka emocione, por nuk dëshiron të flasë në emrin e tij.

Në fund, Vanesa zbuloi se ende nuk ka kontaktuar ish-partnerin, por sapo të marrë telefonin, do të përpiqet të komunikojë me të.