Debutim si çift, Katy Perry dhe Justin Trudeau në tapetin e kuq

Katy Perry dhe Justin Trudeau kanë bërë paraqitjen e tyre të parë zyrtare si çift në një event publik, duke tërhequr vëmendjen e të gjithëve në Festivalin e Filmit Tribeca në New York.

Këngëtarja e njohur ishte e pranishme në premierën e filmit të saj koncertal “Katy Perry: The Lifetimes Tour – Live from Paris”, ndërsa Trudeau u shfaq në krah të saj për ta mbështetur në këtë moment të rëndësishëm të karrierës.

Për mbrëmjen speciale, Perry zgjodhi një fustan elegant të bardhë me detaje të veçanta florale, ndërsa flokët i kishte stiluar në një topuz klasik. Nga ana tjetër, Trudeau u paraqit me një kostum të zi dhe këmishë të bardhë, duke ruajtur stilin e tij tradicional dhe elegant.

Dyshja, që thuhet se janë në një lidhje prej verës së vitit 2025, nuk i fshehën emocionet gjatë eventit. Ata pozuan së bashku para fotografëve dhe shkëmbyen momente të afërta, duke konfirmuar edhe një herë se romanca e tyre po ecën në një fazë serioze.

Paraqitja e tyre në Tribeca u kthye menjëherë në një nga momentet më të komentuara të mbrëmjes, duke bërë që Katy Perry dhe Justin Trudeau të rrëmbenin vëmendjen e mediave dhe fansave.