Christina Applegate trondit publikun: Aktorja zbulon se u diagnostikua gabimisht me sklerozë të shumëfishtë

Aktorja e njohur amerikane, Christina Applegate, ka bërë një deklaratë të fortë dhe të papritur lidhur me gjendjen e saj shëndetësore. Ylli i kinematografisë, e cila në vitin 2021 njoftoi se vuante nga skleroza e shumëfishtë (MS) dhe u kthye në një zë të fuqishëm ndërgjegjësimi për këtë sëmundje, ka zbuluar se testet e fundit mjekësore treguan se ai diagnozë kishte qenë e gabuar.

Gjatë një rrëfimi mjaft prekës në podcast-in e saj, Applegate tregoi momentin kur mjekja e saj i kishte dhënë lajmin e papritur: “Ajo hyri në dhomë dhe më tha: ‘Urime, nuk ke sklerozë të shumëfishtë’.” Mirëpo, reagimi i saj nuk ishte gëzimi që mund të pritej. Aktorja sqaroi se ky lajm nuk i solli asnjë lehtësim apo shërim garanci, pasi simptomat e saj fizike vazhdojnë të jenë të rënda dhe, në disa aspekte, madje janë përkeqësuar.

“Nuk është se merr një diagnozë të gabuar dhe papritur je mirë. Unë nuk jam përmirësuar fare. jam sërish në pikën e nisjes, pa e ditur se çfarë po ndodh me trupin tim,” është shprehur ajo midis emocioneve.

Për vite me radhë, diagnoza e MS i kishte shërbyer si një përgjigje për vështirësitë e mëdha lëvizëse, dhimbjet dhe plogështinë me të cilat përballej çdo ditë. Ndërsa tani, ajo ndodhet sërish në një udhëkryq të madh enigmatik. Aktorja pranoi se ndjen një peshë të madhe emocionale edhe ndaj komunitetit të njerëzve me MS, me të cilët kishte krijuar një lidhje të fortë mbështetjeje gjatë kësaj periudhe.

Aktualisht, ekipi i saj mjekësor ka nisur një seri të re ekzaminimesh të detajuara neurologjike për të identifikuar shkakun e vërtetë të simptomave. Ky rast ka hapur një diskutim të madh në botën e mjekësisë mbi kompleksitetin e sëmundjeve të sistemit nervor dhe sfidat e mëdha që sjell marrja e diagnozave të sakta.