Dua Lipa feston 31-vjetorin, urime romantike pranë bashkëshortit
Written by radio wave on August 25, 2026
Dua Lipa ka festuar 31-vjetorin e lindjes në një fundjavë romantike pranë bashkëshortit të saj, aktorit Callum Turner. Kjo ishte ditëlindja e parë e këngëtares që prej martesës së tyre këtë verë.
Dua ka ndarë me fansat disa momente nga festimi përmes një galerie në Instagram. Në fotografi ajo shfaqet e lumtur pranë Turner, ndërsa në një prej momenteve aktori e përqafon dhe e puth në kokë gjatë një shëtitjeje në natyrë.
“Fundjava e ditëlindjes. Faleminderit për gjithë dashurinë dhe urimet! Gati për xhiron time të radhës rreth diellit… gjërat vazhdojnë të përmirësohen”, ka shkruar Dua.
Festimi nuk ka munguar as me tortat e ditëlindjes, ndërsa çifti ka zgjedhur ta mbajë private vendndodhjen ku kaloi këtë fundjavë speciale.
Martesa e Duas dhe Callum Turner u zhvillua këtë verë në Londër, ndërsa më pas çifti festoi me familjarët dhe miqtë në Siçili.
Dua ka folur shpesh me shumë dashuri për marrëdhënien me Turner, duke e përshkruar atë si familje dhe si një person që e mbështet në jetën dhe karrierën e saj.
Nga Radio Wave i urojmë Dua Lipës 31-vjetorin! I urojmë shumë dashuri, shëndet, suksese dhe sa më shumë muzikë të bukur në vitin e saj të ri. Gëzuar ditëlindjen, Dua!
