Franca shtron tapetin për në gjysmëfinale… fiton 2-0 ndaj marokut

Franca vazhdon marshimin drejt trofeut të Kupës së Botës, duke treguar edhe një herë se mbetet një nga skuadrat më të forta të turneut.

Kampionët europianë eliminuan Marokun në çerekfinale me rezultatin 2-0, duke i dhënë fund ëndrrës së përfaqësueses afrikane për një tjetër surprizë të madhe në kompeticion.

Sfida nisi e ekuilibruar, me Francën që pati mundësi për të kaluar në avantazh, por Kylian Mbappe nuk arriti të realizojë nga pika e bardhë e penalltisë, pasi goditja e tij u ndal nga portieri Bono.

Megjithatë, ylli francez nuk vonoi të rikthehej në qendër të vëmendjes. Në minutën e 60-të, Mbappe shënoi një gol spektakolar që i dha avantazhin “Gjelave” dhe hapi rrugën drejt fitores.

Vetëm gjashtë minuta më pas, Ousmane Dembele dyfishoi rezultatin, duke vulosur kualifikimin e Francës në fazën tjetër.

Në gjysmëfinale, skuadra franceze do të përballet me fituesin e ndeshjes mes Spanjës dhe Belgjikës, ndërsa për Marokun aventura historike në Kupën e Botës përfundon në çerekfinale.