Mbappe bëhet “armik” në Paraguaj, ja si e mallkojnë ata

Kylian Mbappe është kthyer në personazhin më të diskutuar në Paraguaj pas eliminimit të kombëtares së tyre nga Franca në fazën e 1/8-tave të Kupës së Botës.

Pakënaqësia ndaj yllit francez nisi pas përballjes mes dy skuadrave, ku Mbappe kritikoi disa ndërhyrje të lojtarëve paraguajanë ndaj tij. Situata u bë edhe më e komentuar pas përplasjes së tij verbale me senatoren paraguajane Celeste Amarilla.

Por zemërimi i tifozëve vendas duket se nuk është shuar ende. Gjatë festivalit tradicional “San Juan” në Asuncion, qytetarët kanë shfaqur pakënaqësinë e tyre duke vendosur një kukull me emrin e Mbappes në qendër të qytetit dhe më pas duke e djegur atë si pjesë e një rituali simbolik.

Pamjet kanë bërë xhiron e rrjeteve sociale, duke treguar zhgënjimin e madh të tifozëve paraguajanë pas eliminimit nga turneu.

Ndërkohë, Mbappe dhe Franca vazhdojnë rrugëtimin në Kupën e Botës, ku tashmë janë kualifikuar në gjysmëfinale dhe presin përballjen me fituesin e duelit mes Spanjës dhe Belgjikës.