Gjesti ndez kuriozitetin, paralajmëron surprizën e verës

Gjesti ka rikthyer vëmendjen e publikut me një mesazh që ka shtuar pritshmëritë për atë që pritet të sjellë në skenën muzikore. Artisti ka zbuluar se javët e fundit i ka kaluar larg angazhimeve, duke zgjedhur të pushojë dhe të rigjejë energjitë, por lë të kuptohet se kjo periudhë ka qenë vetëm qetësia para një projekti të madh.

Përmes një postimi në rrjetet sociale, ai u shpreh se fansat do të duhet të bëjnë edhe pak durim, pasi shumë shpejt do të vijë me një surprizë që, sipas tij, do të vlejë pritjen. Pa zbuluar detaje konkrete, këngëtari ka lënë të hapur mundësinë e një kënge të re ose një projekti muzikor që mund të shënojë verën.

Menjëherë pas publikimit të mesazhit, ndjekësit nisën të aludojnë se Gjesti është gati të rikthehet me një tjetër hit. Komentet në rrjetet sociale janë mbushur me pritshmëri dhe kuriozitet, ndërsa fansat presin të mësojnë se çfarë fshihet pas paralajmërimit të artistit.

Ky rikthim vjen pas suksesit të albumit “SiR”, të realizuar në bashkëpunim me DJ Gimbon. Projekti u mirëprit nga publiku, grumbulloi miliona dëgjime në platformat muzikore dhe solli disa prej këngëve më të komentuara të muajve të fundit.

Tani mbetet vetëm çështje kohe për të parë nëse “bomba” që premton Gjesti do të jetë hiti i radhës që do të dominojë verën.