Miley lë pas mbiemrin dhe ndez alarmin për muzikë të re

Miley Cyrus po e nis një epokë të re dhe sinjali i parë ka ardhur nga rrjetet sociale.

Superylli i pop-it ka ndryshuar emrin në Instagram, duke kaluar nga @mileycyrus në thjesht @miley. Bashkë me këtë ndryshim, ajo publikoi një portret të ri bardhezi nga fotografi Mert Alas, me një mbishkrim po aq minimalist: “MILEY”.

Ndryshimi nuk duket aspak rastësor. Edhe faqja e saj zyrtare është rifreskuar me të njëjtën estetikë, ndërsa fansat kanë vënë re se mbiemri “Cyrus” është zhdukur nga identiteti i ri vizual.

Në të njëjtën kohë, disa billboard-e në New York kanë shfaqur mesazhin “SË SHPEJTI”, duke shtuar edhe më shumë misterin rreth asaj që Miley mund të jetë duke përgatitur.

Pas albumit “Something Beautiful” dhe një marrëveshjeje të re me Atlantic Records, të gjitha sinjalet duket se tregojnë drejt një kapitulli të ri muzikor. Miley nuk ka zbuluar ende detaje, por fansat tashmë janë në pritje të surprizës së radhës.