Pas zërave për krizë, Will dhe Jada Smith shfaqen sërish bashkë! Familja e famshme “pushton” Javën e Modës në Paris

Edhe pse prej kohësh marrëdhënia e tyre ka qenë në qendër të thashethemeve, Will Smith dhe Jada Pinkett Smith kanë bërë një tjetër paraqitje publike së bashku, këtë herë në Javën e Modës në Paris, duke tërhequr menjëherë vëmendjen e mediave dhe fansave.
Çifti u shfaq i shoqëruar nga pjesa më e madhe e familjes, përfshirë vajzën Willow Smith, djalin e madh të aktorit Trey Smith, si dhe nënën e Jada-s, Adrienne Banfield-Norris.
Arsyeja e pranisë së tyre ishte mbështetja për Jaden Smith, i cili mori vëmendjen në prezantimin e koleksionit të ri për meshkuj të Christian Louboutin. Jaden mban prej shtatorit postin e drejtorit kreativ për linjën e veshjeve për meshkuj të markës së njohur.
Në aspektin e stilit, familja nuk zhgënjeu. Will dhe Trey u shfaqën me kostume identike të zeza, të kombinuara me këmisha të bardha dhe syze dielli të errëta, duke dhënë një pamje elegante dhe të koordinuar.
Nga ana tjetër, Jada Pinkett Smith zgjodhi një fund të zi me pala dhe një bluzë pa rripa, të kompletuar me një varëse të artë që i dha edhe më shumë shkëlqim paraqitjes së saj. Edhe Willow iu përmbajt ngjyrës së zezë, me një fund të shkurtër dhe një bluzë me rripa të hollë, ndërsa Adrienne Banfield-Norris u shfaq elegante me një kombinim klasik bardhezi.
Paraqitja e përbashkët e familjes Smith në një nga eventet më të rëndësishme të modës vjen në një kohë kur çdo dalje e Will dhe Jada-s vazhdon të komentohet gjerësisht, duke dëshmuar se, pavarësisht spekulimeve, ata vijojnë të shfaqen të bashkuar në momentet më të rëndësishme familjare.