Producenti i Hollywoodit dënohet me 146 vjet burg për vrasje dhe përdhunime

Producenti amerikan David Pearce është dënuar me 146 vjet burg pasi u shpall fajtor për vdekjen e modeles Christy Giles dhe shoqes së saj Hilda Marcela Cabrales-Arzola në vitin 2021, si dhe për përdhunimin e shtatë grave të tjera.

Hetimet zbuluan se Pearce dhe një bashkëpunëtor i tij kishin takuar viktimat në një festë në Los Angeles dhe më pas u kishin dhënë një dozë vdekjeprurëse të fentanilit dhe GHB-së në apartamentin e tij.

Përveç akuzave për vrasje, Pearce u shpall fajtor për përdhunim me forcë, depërtim seksual të dhunshëm dhe sulm ndaj grave të pavetëdijshme, me rastet që datojnë nga viti 2007 deri në 2021.

Pavarësisht mohimeve të tij, gjykata e gjeti fajtor në të gjitha pikat kryesore të akuzës, duke e dënuar me një nga dënimet më të rënda të viteve të fundit në Hollywood.