Selin Bollati flet pas fitores në BBVA: Nga shoku emocional te planet me dj Gimbon

Menjëherë pas triumfit në Big Brother VIP Albania, fituesja e këtij edicioni Selin Bollati ka ndarë emocionet e saj të para në një intervistë për Top Channel.

Mes atmosferës festive dhe emocioneve të forta, Selin u shpreh se ende nuk e ka përpunuar plotësisht fitoren pas një rrugëtimi të gjatë prej 120 ditësh brenda shtëpisë.

Ajo tregoi se fillimisht mendonte se eksperienca e saj do të zgjaste vetëm pak javë, por aventura përfundoi duke u kthyer në një eksperiencë të plotë katërmujore që ndryshoi shumë tek ajo.

Fituesja theksoi se vlera më e madhe që mori nga ky format nuk ishte vetëm çmimi financiar, por dashuria dhe mbështetja e publikut, të cilën e cilësoi si fitoren më të rëndësishme.

Sa i përket jetës personale, Selin la të kuptohet se raporti me Gimbion pritet të vazhdojë edhe jashtë shtëpisë, këtë herë larg kamerave dhe vëmendjes së publikut.

Në finalen e madhe, Selin u shpall fituese pas televotimit kokë më kokë me Miri, ndërsa Mateo dhe Rogerti u renditën në vendin e tretë dhe të katërt.