Dhurata Dora dhe DJ Snake, konfirmohet data e publikimit

Dhurata Dora po përgatitet për një nga momentet më të rëndësishme të karrierës së saj muzikore, pasi ka konfirmuar një bashkëpunim me një prej emrave më të mëdhenj të skenës elektronike botërore, DJ Snake.

Këngëtarja shqiptare ka bërë të ditur përmes rrjeteve sociale se projekti i ri muzikor me producentin francez do të publikohet të premten në orën 18:00, duke rritur menjëherë kuriozitetin e fansave.

Ky bashkëpunim shihet si një hap i madh për Dhurata Dorën, pasi DJ Snake është një nga artistët më të suksesshëm në muzikën ndërkombëtare, me hite globale dhe projekte me disa prej yjeve më të mëdhenj të industrisë.

Ndërkohë, Dhurata vazhdon të konsolidojë emrin e saj jashtë kufijve shqiptarë. Me miliona dëgjime në platformat muzikore dhe një seri bashkëpunimesh të suksesshme, ajo është kthyer në një nga artistet shqiptare më të njohura në tregun ndërkombëtar.

Projekti i ri me DJ Snake pritet të jetë një tjetër pikë kulmore në rrugëtimin e saj artistik dhe një mundësi për të zgjeruar edhe më shumë praninë e saj në skenën globale.