Dinamo City kërkon suksesin europian ndaj Aluminij

Pas një kualifikimi spektakolar në raundin e parë të UEFA Conference League, Dinamo City rikthehet sonte në fushë për sfidën e parë të raundit të dytë, ku do të përballet me skuadrën sllovene Aluminij.

Kryeqytetasit do ta zhvillojnë ndeshjen e parë në transfertë, në Slloveni, me takimin që nis në orën 20:00. Ekipi i drejtuar nga Ilir Daja synon të marrë një rezultat pozitiv që do t’i japë më shumë besim përpara përballjes së kthimit në Tiranë.

Dinamo vjen në këtë sfidë me moral të lartë pas përmbysjes së jashtëzakonshme ndaj Astanës në raundin e parë, një sukses që konfirmoi karakterin dhe forcën e skuadrës në arenën europiane.

Përballë Aluminij, bardheblutë kërkojnë një tjetër paraqitje të fortë për të mbajtur gjallë objektivin e tyre europian dhe për të hedhur një hap drejt raundit tjetër të kompeticionit.

Tifozët e Dinamos presin që skuadra të vazhdojë historinë pozitive të këtij sezoni europian dhe të rikthehet nga Sllovenia me një rezultat që e mban të hapur rrugën drejt kualifikimit.