Australia kalon tutje! Barazimi pa gola mjafton për biletën në fazën eliminatore të Botërorit

Australia ka siguruar një vend në raundin e 1/16-ve të Kupës së Botës FIFA 2026, edhe pse nuk shkoi më shumë se një barazim 0-0 ndaj Paraguait në ndeshjen e fundit të fazës së grupeve.

Australianët kontrolluan pjesën më të madhe të takimit dhe krijuan disa raste të mira shënimi, por nuk arritën të gjenin rrugën e rrjetës. Megjithatë, pika e fituar rezultoi e mjaftueshme për të vulosur kualifikimin, falë diferencës më të mirë të golave, që i renditi në vendin e dytë të Grupit D me pikë të barabarta me Paraguain.

Ndërkohë, Paraguai nuk e ka ende të sigurt vazhdimin e aventurës në Botëror. Kombëtarja amerikano-jugore do të duhet të presë përfundimin e ndeshjeve të grupeve të tjera për të mësuar nëse do të avancojë si një nga tetë skuadrat më të mira të renditura në vendin e tretë.

Në sfidën tjetër të grupit, Shtetet e Bashkuara u mposhtën 3-2 nga Turqia, por pavarësisht humbjes, ruajtën vendin e parë në Grupin D. Në fazën e 1/16-ve, amerikanët do të përballen me Bosnjën dhe Hercegovinën, ndërsa Australia pret të mësojë kundërshtarin e saj në rrugëtimin drejt fazave më të avancuara të Kupës së Botës.