Dasma që po “zien” rrjetin: Bora dhe Donaldi drejt altarit?

Pas muajsh spekulimesh dhe aludimesh në media, duket se historia e dashurisë mes Bora Zemani dhe Donald Veshaj po shkon drejt një kapitulli të ri shumë të rëndësishëm.

Burime pranë çiftit kanë zbuluar se dyshja po planifikon të kurorëzojë lidhjen gjatë muajit korrik, në një ceremoni që pritet të tërheqë vëmendjen e gjithë showbiz-it shqiptar këtë verë.

Edhe pse Bora Zemani është përpjekur shpesh t’i minimizojë zërat për martesë, duke i cilësuar si “thashetheme sezonale”, këtë herë vetë Donald Veshaj ka lënë të kuptohet se planet janë reale. Gjatë një bisede në emisionin Më lër të flas, përballë vëllait të tij Romeo Veshaj, ai pranoi se diskutimet për dasmën dhe zgjerimin e familjes kanë nisur seriozisht.

Mes batutave dhe momenteve spontane, Donaldi tregoi se organizimi nuk ka qenë gjithmonë i thjeshtë, sidomos kur bëhet fjalë për listën e të ftuarve, ku duket se çifti ka mendime të ndryshme.

Sipas raportimeve, ceremonia pritet të zhvillohet në jug të Shqipërisë, pranë detit, në një atmosferë intime verore me miqtë dhe familjarët më të afërt.

Nëse gjithçka konfirmohet zyrtarisht, dasma e Bora Zemani dhe Donald Veshaj pritet të jetë një nga eventet më të komentuara të këtij sezoni në showbiz-in shqiptar.