Kejvina Kthella denoncon zhdukjen e 8 mijë eurove dhe historia ka kthesë filmash

Ajo që dukej si një akt i thjeshtë besimi mes dy mikeve, tashmë është kthyer në një histori që po komentohet gjerësisht në rrethet e showbiz-it dhe jo vetëm. Kejvina Kthella ka zgjedhur t’i drejtohet autoriteteve, pasi pretendon se një shumë prej 8 mijë eurosh, kursime personale të mbledhura ndër vite nga puna e saj, nuk i janë kthyer më nga një person që e konsideronte të afërt.

Burime pranë çështjes bëjnë me dije se modelja, përpara një largimi nga Tirana drejt Lezha, kishte vendosur t’ia besonte shumën një shoqeje të saj, duke menduar se paratë do të ishin më të sigurta jashtë banesës.

Por, sipas kallëzimit, rikthimi ka sjellë një surprizë të pakëndshme. Fillimisht, shoqja në fjalë dyshohet se ka justifikuar vonesën me pretendimin se paratë ndodheshin në një kasafortë, por kodi i saj ishte harruar. Më pas, historia ka marrë një tjetër drejtim, me shpjegimin se shuma ishte depozituar në bankë, ndërsa llogaria rezultonte e bllokuar.

Pas këtyre versioneve kontradiktore, modelja vendosi të mos presë më dhe depozitoi kallëzim penal në polici.

Nga ana e organeve të drejtësisë, ndaj Anela Osmani është hapur procedim për veprën penale të mashtrimit, ndërsa çështja tashmë ka kaluar për shqyrtim në institucionet përkatëse në Tirana.

Ndërkohë, ajo që mbetet për t’u parë është nëse kjo histori do të mbyllet me kthimin e shumës së humbur… apo me një përballje më të fortë në sallën e gjyqit.