Fabjola elezaj e thotë të vërtetën e saj pas Fermës

Pas largimit nga “Ferma VIP 3”, Fabjola Elezaj ka folur hapur për eksperiencën e saj në reality show, debatet e forta dhe gjendjen emocionale që përjetoi gjatë qëndrimit në fermë.

Ish-konkurrentja e përshkroi aventurën si një eksperiencë me ulje-ngritje, duke thënë se ka marrë më shumë sesa ka dhënë gjatë rrugëtimit të saj në format.

Fabjola reagoi edhe për përplasjet që çuan në largimin e saj, duke sqaruar se nuk kishte asgjë personale me Arbana Osmani. Sipas saj, reagimi do të kishte qenë i njëjtë ndaj kujtdo që do t’i ishte drejtuar nga studioja, ndërsa shtoi se Arbana nuk duhej të përfshihej në debat.

Ajo nuk i kurseu komentet as për Ermal Mamaqi, pas publikimit të një videoje të saj në rrjetet sociale. Fabjola u shpreh e revoltuar për mënyrën si, sipas saj, u trajtua publikisht krahasuar me raste të tjera të ngjashme.

Në rrëfimin e saj, ish-banorja pranoi se gjendja psikologjike brenda fermës ishte rënduar shumë dhe se presioni emocional kishte qenë i fortë gjatë gjithë eksperiencës.

Megjithatë, ajo tha se tani ndihet më mirë jashtë formatit dhe e konsideron mbyllur këtë kapitull të vështirë.