Firence TASHMë KA NJë QENDëR E CILA lufton varësinë nga RRJETET SOCIALE

Firence po ndërmerr një hap të ri për të përballuar një nga sfidat më të mëdha të epokës digjitale. Qyteti italian do të hapë qendrën e parë në vend të dedikuar për trajtimin e varësisë nga rrjetet sociale dhe përdorimit të tepruar të teknologjisë.

Projekti me emrin “Discover – Out of the Shell” synon të ndihmojë veçanërisht të rinjtë që të krijojnë një raport më të ekuilibruar me botën online, duke i mbështetur në menaxhimin e kohës para ekraneve dhe në rikthimin e lidhjeve më të shëndetshme sociale.

Qendra do të funksionojë me mbështetjen e autoriteteve lokale dhe specialistëve të shëndetit, të cilët theksojnë se teknologjia është një pjesë e pandashme e jetës moderne, por përdorimi i saj pa kufij mund të ndikojë në mirëqenien psikologjike dhe marrëdhëniet shoqërore.

Përmes këshillimit dhe programeve të posaçme, kjo nismë synon të krijojë një model të ri për përballimin e problemeve që lidhen me varësinë digjitale, duke promovuar një përdorim më të ndërgjegjshëm të rrjeteve sociale dhe pajisjeve elektronike.